Bechaini

Meri nayi Nazm “Bechaini”,
Ummeed karta hu aap logo’n ko pasand aayegi.
Achi lage to comment me zaroor batana…

Bechain se jazbaat hain aajkal,
Jaane dil mein kya baat hai aajkal..

Hanste hanste ghamghin ho jaata hu,
Haal be-Haal hai aajkal…

Jo tumko jo tumhari yaado’n ko bhula de,
Aise kisi tilism ki talash hai aajkal..

Yun to Armaan bahot se dabe hain dil ki gehraiyo’n mein,
Ek khwahish hai magar jiski khalish hai seene mein aajkal..

Nigahein bahot kuch kehti hain,
Magar jo padh sake aankho’n ko wo log kahan hain aajkal…!!

#faisalkhatri

Advertisements

Garmi ki chhutti..

Ek nazm meri kalam se…
Gao’n ki aabadi dheere dheere badhne lagegi,
Garmiyo’n ki chhuti ka mausam aa raha hai…

Wo khushaali budhe maa baap ke ghar mein chand din ki mehmaan bankar aayegi,
Jo budhe dada dadi ko apne pota poti se milaegi..

Ek arse se taras rahe thay jo maa baap apne beta beti ko dekhne,
Chand dino me unki dua asar layegi…

Wo soone khet khalihan, wo baag saare,
Ab unme bhi mausam e bahar aayegi..

Gao’n ka peepal ka ped, phir se jhoola ban jayega,
Bachcho’n ki khilkari phir se sunne aayegi..

Ek mela sa lag jayega gao’n mein,
Jald hi garmiyo’n ki chhuti aayegi…

#faisalkhatri